عندما يصبح الصديق ..........وطن

الموضوع حقيقي حدث وبعده بحدث مع اشخاص عايشين بينا زينا وزيكم>>>>>>>>>>
اثنين من الناس اهل واقارب بينهم علاقة عادية مثل كل هالناس بتجمعهم المناسبات والاعياد واللمات ....
مرحبا مرحبا ..كيفكم شو اخباركم تقريبا كانو يتذكرو بعض ساعة اللقاء وبس...
كل واحد ماشي بحياته كبرو ...تزوجو...ولاد...حياة...هموم...وبرضو بس يلتقو بعده مافي شي مميز.
ومافي اي شي ممكن يقول هالشخصين حيكونو اقرب لبعض حتى من ازواجهم واولادهم.....
في فرق بالعمر واضح..وفي فرق بالمكان واسلوب المعيشة وكل شيء...وبكل التفاصيل....
صارت مناسبة بالعيلة زواج ابن احد الاقارب وللمفارقة هاد القريب شخص غير مرغوب بمعنى اخر المعظم جاي وما مصدق تخلص المناسبة...
خلصت الحفلة وكالعادة اللي عنده سيارة بروح بطريقه اللي معندوش...
وكانت هاي اللحظة اللي كسرت كل الظروف السابقة وجمعت هالشخصين ...
الطريق بدها 15دقيقة بداء نقاش تحول لفضول قرروا يكملو السهرة سوا تفضل منتعشى سوا فنجان قهوة بعد العشا ...
ذكريات في الطفولة وعن الجدة المرحومة عن القرية والاجتماعات امتدت السهرة وضلو على نفس الجلسة لصباح اليوم الثاني.....
من بعد هذه الليلة ...كيف لما تجيب جهاز وتفرمته وتبلش تنزل برامج جديدة.؟!
هاد اللي حصل مع الاثنين...
صارت حياتهم ماقبل ومابعد الصحبة الجديدة..
بس الملاحظ للاحسن..
الاصغر بالعمر لقب الاكبر بالعمر (ياوطن)ما بناديه غير هيك....ليش؟
لانه بالزبط كان للثاني وطن وسعه بكل اخطائه وهمومه ومشاكله قبل حسناته..
دعم من الكبير من كل الجهات......
بالمقابل الاصغر واللي فيه روح الشباب اعطى على قد مافيه وشو ميخطر ببال اي حدى للي اكبر منه ...مقابل انه يريحه ويخلية سعيد وراضي وقريب من ربه...
علاقة رائعة....
انا شخصيا مستعدة اكتب كتاب عن علاقتهم التفاصيل اروع من رائعة...
اصحاب...اهل...مرو بمواقف ممكن تزلزل اي علاقة تحملو وسامحو بعض...
الاحترام والتفاهم وكيف الكبير بعطي مساحة للصغير وبغفرله شو ميكون...
كبف الصغير بحترم الكبير ومش ممكن يخزي ولا يخذل صاحبه...
كيف فش انانية بالصحبة الاثنين ضلو ماشيين بعلاقاتهم بحياتهم وبالعكس ساندو بعض,,,
الاهم مافي نفاق صراحة كل واحد اله وجهة نظر وبحترم الثاني ومستحيل ياثرو عبعض بطريقة سلبية...
او شو اكتبلكم عن اللقاءات بينهم ...شو متتخيلو ود وحنية وشوق ومحبة كانهم كل مرة اول مرة يشوفو بعض...
كل واحد فيهم لو حتى شرب شربة مي بتمناها للثاني قبل حاله...
مرت عليهم ظروف يتطرو يبعدو عن بعض ايام واشهر كل واحد اله حياته وهمومه وماشي فيها..
تشعر انه بينهم تواصل فكري وبطريقة غريبة وملفتة,,,
من الاشياء الجميلة اللي كانت تصير بينهم توصل اخبارهم لبعض عن طريق الناس والاقارب ...
فكانو بس يجتمعو يناقشو هاي الاخبار يطلع كل واحد فيهم عامل الشغلة عشان يوصل الخبر للثاني ويفهم انها رساله اله مش خبر عن طريق الناس...

وللمفارقة يالله شو بينهم فرق واختلاف بالافكار بالحياة بالمكان ..بالاسلوب وكان هذا الشيء يعمل بينهم نقاشات وحوارات شيء روعة...
يارب لاتحرمهم من بعض....
وكثر من امثالهم....
عارفين شو معنى صداقة مافيها حرام ولاعيب ولا خطاء....

عاجزة تماما عن الرد والتعبير على موضوعك
أبدعتي بوصف العلاقة
أدام الله ودهما وصداقتهما
ولا فرق الله بينهما

بوركتي

احيانا تاخذ اللحظه تفاصيل العمر
وتمزج الحاضر بالماضي
استمع اليهم
وانسهم
فربما يدخلوا قلب
ابدعت هنا

كتبته لاني بتمناه لكل الناس
وشكرا على تفاعلكم الطيب

ابدعت هنا
مراقبتنا الرائعه
المميزة
كلامك منطقي
وموجود
احيانا لا نفهم الشخص
ولكن بعد ان نحاوره
يصبح جزءا منا