اول شي اهلا وسهلا فيك دكتور احمد.وشرف النا حضورك معنا بالمنتدى.
المشكلة الازلية بين الرجل وزوجته ,الزوجة شاعرة انها مظلومة وضحت اكثر ,وانه من حقها حياة افضل وزوجها لازم يحمد ربه عللي هو فيه.
والزوج تعبان ومقدم واللي بعمله لبيته وحياته واولاده وزوجته كثير ولسة ماحد قدم مثله هذا بالنسبة اله,اما اللي مبين للزوج والزوجة كل واحد بشكي من الثاني ومافي تفاهم بينهم, وكل واحد شاعر انه مظلوم ويريد حلا.واذا حكيت مع كل طرف منهم كل واحد بحكي وضع حياته من وجهة نظره وما بتلاقي مشكلة عند كل واحد.
اذا يا دكتور وين المشكلة بالزبط؟
وهاي المشكلة انا بعاني منها وبعتبر حالي منفتحة وصدري وسيع وبتحمل.
وكثير من المعارف والجيران بهاي الفترة بعانو من نفس الشي؟
هل احنا انانيين ولا قلة دين ولا منتاثر بللي حولينا ,ولا في عنادة وكل واحد مش مستعد يتنازل,